Сәнгать мәктәбенең бию сыйныфына яңа укучыларны кабул иттеләр

Кичәне сәнгать мәктәбе директоры урынбасары Гөлфинә Ярмөхәммәтова алып барды, чакырылган әти-әниләр белән кызыклы конкурслар уздырды. Кичә барышында ике әкият герое "Укымыйча гына белемле булып буламы, юкмы?- дигән сорауга җавап эзләделәр. Балалар әти-әниләренә 4 ай дәвамында  "Гимнастика" hәм "Ритмика" дәресләрендә укытучылары Альбина Мөбарәкҗанова  өйрәткән күнекмәләрен эшләп күрсәттеләр. Кичәнең азагында Гөлфинә Ярмөхәммәтова тамашачыларга гади генә булмаган  төргәк күрсәтте. Анда сәнгать мәктәбенең бию сыйныфына 1 класска укырга кергән hәр баланың исеме язылган иде. 8 ел укыганнан сон чыгарылыш сыйныфы имтиханнарында бу төргәкне ачып, бүгенге состав белән бию сыйныфын тәмамлаучылар таныклыгын алырга насыйп булсын иде, дип теләделәр әти-әниләр, балалар, укытучылар. Кичәне тәмамлап, hәр балага 1 класс сафына алу таныклыгы тапшырылды.