«Татарча диктант» акциясенең иң өлкән катнашучысына - 82 яшь

Акция әдәби татар телен өйрәнү,​ татар теленә кызыксынуны арттыруга, татар тел белгече һәм укытучысы профессияләрен популярлаштыруга юнәлтелгән.  Чарада​ 235 кеше катнашты, шуларның 130 ы онлайн форматта язды. Диктант язу 4 аудиториядә барды. Иң өлкән катнашучы 9 нчы сыйныф укучысы Гатауллин Илданның ​ бабасы Гатауллин Мәгъдәнур Идият улына -82 яшь һәм шул ук сыйныф укучысы Сафин Гаделнең әбисе 65 яшьлек Рәмзия Габделбар кызының  әлеге​ акциядә катнашулары аерым игътибарга лаек.​ ​ Иң яшь катнашучылар -  6 нчы сыйныф укучылары булдылар.