Татарстан ЮХИДИ хезмәткәрләре күпбалалы гаиләләргә балалар утыргычлары бүләк иттеләр

Акциянең максаты – җәмәгатьчелекнең игътибарын балалар катнашында юл-транспорт имгәнүләре проблемаларына җәлеп итү, мохтаж гаиләләргә булышу, үсеп килүче буынның тормышын һәм сәламәтлеген саклау. Оештыручылар Абдулгалимовлар, Мәсәгутовлар, Мингалимовлар, Әхмәтҗановлар гаиләләрен йортта балалар ишәюе белән тәбрикләп, балалар утыргычлары һәм зурракларга канцелярия әйберләре тутырылган яктылык кайтаргыч сумкалар тапшырдылар . Автоинспекторлар әти-әниләргә балалар утыргычларын автомобильгә ничек беркетергә һәм юлларда балаларны бәла-казадан ничек сакларга кирәклеге турында аңлаттылар.