«Татвтодор» филиалы шоферлары белән очрашу

   Юл хәрәкәтендә катнашучыларның культурасын күтәрү, аварияләрне кисәтү максатында Дәүләт автоинспекциясенең Саба районы булекчәсе өлкән инспекторы Илнур Насыйбуллин һәм “Юл хәрәкәте иминлеге” бюджет  учреждениесе бүлекчәсе начальнигы Гүзәл Ягәфәрова “Татавтодор”ның  Саба  филиалында  профилактик әңгәмә үткәрделәр. Предприятие хезмәткәрләре белән  район юлларының торышы турында фикер алыштылар. Очрашу барышында юлның каршыга килүче машиналар өчен  билгеләнгән өлешенә чыгу,  аек булмаган  хәлдә транспорт белән  идарә итү, җәяүлеләрнең кагыйдәләрнең бозулары  ДТПларның төп  сәбәбе итеп  күрсәтелде. Автоинспектор юлларда тизлек режимын  саклау,  метеошартларны исәпкә алу зарурлыгын  транспорт   йөртүчеләрнең исләренә кабаттан төшерде. Соңыннан тематик  фильмнар  күрсәтелде. Чарада “Гостехнадзор”ның район бүлеге җитәкчесе Ильяс Ибраһимов та катнашты.

ГАИ хезмәткәрләре шулай ук Саба  урта  мәктәбе яшь  хәрәкәт инспекторлары белән дә очраштылар. ЮИД отрядына  керүчеләрне юл хәрәкәте  кагыйдәләрендәге шәхси мобильлелек  чараларында  кагылышлы  үзгәрешләр белән таныштырдылар. Яшь хәрәкәт инспекторлары язгы  чорда  эш  планнары буенча  фикер  алыштылар, төрле акцияләр үткәрү белән бәйле тәкъдимнәрен белдерделәр.