ЮИД акциягә кушылды

Бөек Җиңүнең 74 еллыгы уңаеннан  ЮХИДИнең район  бүлекчәсе хезмәткәрләре,  “Юл хәрәкәте иминлеге” дәүләт бюджет учреждениесенең район бүлеге Саба гимназиясенең яшь юл хәрәкәте инспекторлары белән берлектә “Георгий тасмасы” акциясе үткәрделәр. ЮИДчылар З.Йосыпов урамында автотранспорт  чаралары  йөртүчеләр белән очраштылар, аларга Җиңү көненең төп символын тапшырдылар. Укучылар руль артындагыларны юлларда уяу булырга, җәяүлеләр сукмакларыннан үткәндә тизлек режимын сакларга,  кагыйдәләрне  төгәл үтәргә  чакырдылар.