Юлда ерактан күренеп тору – яктылык кайтаргычлы киемнән булу дигән сүз

Кышкы  каникул  якынлашкан   көннәрдә  Шәмәрдән лицееның юл хәрәкәте яшь инспекторлары ЮХИДИнең район  бүлекчәсе һәм  “Юл хәрәкәте иминлеге” дәүләт бюджет  учреждениесе хезмәткәрләре белән  берлектә  “Юлда  ерактан  күренеп тор!” акциясе  үткәрделәр.  Акция балаларга   яктылык  кайтаргыч  элементлары  булган  киемнәрдән    йөрүнең әһәмиятен  аңлатуга  багышланды.  ЮИДчылар  кышкы  чорда  юлларда  имин   йөрү  кагыйдәләре  белән  уртаклаштылар, һәркемгә   күңелле каникуллар, хәвефсез Яңа  ел теләделәр.