Саба таңнары
  • Тат Рус Лат
  • Безгә язалар рубрикасы буенча яңалыклар

    • 20 ноябрь 2019 - 15:10
      Мөлаем ханым
      Авылыбыз фельдшеры Гөлнар Сәлим­гәрәева тумышы белән Ике басу Арташ авылыннан. Шунда башлангыч белем алган, аннан соң белем нигезләрен Олы Арташта, ә 10-11 сыйныфларны Икшермә урта мәктәбендә үзләштергән. Гөлнар кечкенәдән табибә булырга хыяллана һәм мәктәпне тәмамлагач, Яшел Үзән медицина көллиятендә укый. Ә 2000 елда Саба бала тудыру йортында акушерка булып хезмәт юлын башлап җибәрә.
    • 20 ноябрь 2019 - 14:43
      Һаман да күңел ышанмый
      Юл газабы- гүр газабы, дип белми генә әйтмәгәннәрдер борынгылар. Юлсызлык бә­гырь­не өзә. Сабага барып кай­там да, үзебезнең урамга керү белән, моннан 70 ел элек мәрхүм булган әтием искә тө­шә, тагын яралар кузгала. Чиләбе шәһәрендә туган бала бит мин. 1941 елда сугыш башланганда әти шахтада эшли иде, мине- бер яшьлек һәм 40 көнлек сеңлем Әминәне әни белән авылга кайтарып куя. Үзе берничә көннән фронтка алына. Ялангач өй, ашарга 1 кашык он, ягарга бер кисәк утын юк. Менә яшә син шунда «аяксыз» ике бала белән.
    • 15 ноябрь 2019 - 13:14
      АВЫР ЧАКТА ЯРДӘМ ИТТЕЛӘР
      Быелгы көздә гаиләбез фаҗигале хәлгә дучар булды: 20 октябрьгә каршы төндә хуҗалыгыбызда янгын чыгып, йорт-җиребез мизгел эчендә яраксыз хәлгә килде. Ут телләре гомер буе җыйган мал-мөлкәтебезне күз алдында юкка чыгарды. Бу хәлләрнең яманлыгын үз башыңа төшмичә аңламыйсың икән, Ходай берәүгә дә күрергә язмасын.
    • 15 ноябрь 2019 - 11:35
      “Әни” дияр Кешебез бар
      Шундый кешеләр була: алар турында битараф кына сөйләү мөмкин түгел. Мин, һич икеләнмичә, безнең әни Сәяра Гарифулла кызы шундыйлардан дияр идем.
    • 14 ноябрь 2019 - 09:31
      Эшне төгәлләргә ярдәм кирәк
      Авыл халкы элек-электән бердәмлеге белән аерылып торган, җаваплы һәм саваплы эшләргә дә күмәкләшеп алынган. Хәзер дә шулай... Моның ачык мисалын бу елның җәендә Алан-Елга авылында күрергә мөмкин иде. Чын күңеленнән изгелек кылырга омтылучы якташлар һәм авыл халкының уртак көче белән зират тирәсе матур, заманча рәшәткәләр белән әйләндереп алына башлады.
    • 14 ноябрь 2019 - 09:14
      Сабалылар да булышты
      Күп балалалы әни буларак, миңа социаль түләүләр алыр өчен кирәкле документларны җыю буенча төрле органнарга еш мөрәҗәгать итәргә туры килә. Шөкер, моңа кадәр җитәкчеләр һәм безнең бу мәшәкатьләргә битараф булмаган игелекле кешеләрдән гел кайгырту һәм хуплау табып килдек. Документ эшләре белән сезнең районга да берничә тапкыр бардым.
    • 1 ноябрь 2019 - 17:44
      Яхшылык һавада эленеп калмый...
      Быел Сатыш авылы өлкәннәрен район хастаханәсенә диспансерлаштыруга алып бардылар. Моңа барыбыз да бик шатланып риза булдык. Шулай коридорда чират көтеп утырганда, янымдагылардан кабул итүче табиб кем дип кызыксындым. «Бик әйбәт яшь кыз бала»- дигәч, җанга рәхәт булып китте. Өлкән кешегә күп кирәк мени, бер җылы сүз дә йөрәккә шифа булып ята бит.
    • 30 октябрь 2019 - 09:21
      Ишек ватканда ул булмаган
      Үсмер чак, борынга кызлар исе кергән. Һәдияләрдә аулак өй икәнен ишеттек тә, бер төркем егет-малайлар шунда киттек. Әтисез үскән өч кызның йорт-җире мактанырлык түгел иде. Ишек шакыйбыз, тәрәзә чиртәбез – кертмиләр генә бит. Беребез катырак тарткан идек, келәсе ычкынган ишек ачылып та китте. Шау-шу купты. Безне әрлиләр, куалар, ир­тәгә авыл Советына әйтәбез, ишекне ватып кердегез, диләр. Аулак өйнең яме китте, таралыштык.
    • 30 октябрь 2019 - 08:40
      Театр яктылыкка, нурга илтә...
      Мәгълүм булганча, 2019 ел Россиядә театр елы буларак игълан ителгән иде. Шул уңайдан лицеебызда узган уку елыннан башлап төрле чаралар оештырылып килә. Әйтик, Театр елына багышланган республикакүләм иҗади фестивале Г.Камал исемендәге татар дәүләт академия театры артистлары һәм районыбызның татар теле, музыка, рәсем, технология укытучылары катнашында узды. Фестиваль актлар залында укучыларыбыз чыгышы һәм кунаклар белән танышудан башланды.
    • 30 октябрь 2019 - 08:33
      Иман нуры таралсын
      Безнең Йосыф Алан һәм Калатау авылларыбыз районыбызның иң гүзәл табигать кочагына урнашкан. Шушы ямьле төбәгебездә яхшы күңелле, иманлы кешеләр яши.
    • 25 октябрь 2019 - 16:37
      Капка төбе бәйрәме
      1992 елның 8 феврале кичендә телевизордан Капка төбе бәйрәме күрсәттеләр. Методист буларак, андый мәдәни чараларны караганда, мәдәният хезмәткәрләре семинарында яңа формалар тәкъдим итәр өчен, теркәп куйгалый идем. Тик бәйрәмнең кайсы районда оештырылганын язмаганмын.
    • 24 октябрь 2019 - 13:17
      Китап сөючеләргә бүләк
      Кукмара районы Чуллы авылы китапханәсендә Татарстаннның атказанган мәдәният хезмәткәре, Саба районында яшәп иҗат итүче әдип Гөлсинә Галимуллина белән очрашуда катнашырга насыйп булды. Ул әдәбият сөючеләргә “Мәхәббәт аланы”, ”Ак бураннар аша”, ”Күгәрчен оя корганда” дигән һәм башка китаплары аша таныш. Һәр әсәре бай эчтәлекле, тирән уй-кичерешләр белән сугарылган,укучыны уйланырга мәҗбүр итә, бер үк вакытта якты өметләр дә уята.
    • 23 октябрь 2019 - 16:46
      Бәхетле картлык
      Бу язмамны “Бәхетле картлык” дип атар идем. Чөнки яшьлек елларыбызны искә алсак, аны бер дә сагына торган түгел. Мин 1942 елда туганмын. Без – сугыш чоры балалары, бар эш кул көче белән башкарылган авыр чорда үстек. Ул заманны хәзерге тормыш белән чагыштырып карыйм да, хәйран калам.
    • 19 октябрь 2019 - 12:13
      «УРЫН ТҮГЕЛ, ГАДЕЛЛЕК КИРӘК»
      Исәнмесез, хөрмәтле редакциясе хезмәткәрләре. Мин- 62 яшен тутырып килүче өлкән буын вәкиле, газетагызны күп еллар укып килсәм дә, беренче тапкыр кулыма каләм алып хат юлладым. Чөнки газетагызда чыккан “Җиңәргә дип килгәннәр” дигән мәкалегез күңел яраларын кузгатты.
    • 16 октябрь 2019 - 16:37
      КҮҢЕЛ АЗДАН ДА БУЛА
      Районыбызда 2000 елдан бирле уздырылучы 50 ел бергә гомер итүчеләрне хөрмәтләү кичәсенә быел без дә чакырылдык. Гомер кай арада үткән, алтын туебызга килеп җиткәнбез бит. Кичә буласы бинаның ишек төбәннән ачык йөз белән каршы алулары, ризык белән сыгылып торган өстәл артына алып килеп утыртулары ук күңелгә ятышлы булды. Ә хезмәтеңне барлап һәм зурлап, мактауларын ишетүдән үзеңне эшең бушка китмәгән кеше итеп тоясың икән.
    Реклама