Саба таңнары
  • Тат Лат
  • Кала

    Таулар убыла җиргә - Упкыннары кала.

    Елга корый, кибә,

    Тирән яры кала.

    Янгын уйный, яна,

    Яна бөтен дала.

    Үлән, чәчәк көя,

    Тамырлары кала.

    Көзге кояш төссез,

    Гүя үксез бала.

    Кошлар китә бездән,

    Оялары кала.

    Сулыгып үкси урман,

    Карлы яңгыр ява.

    Яфрак коела җиргә,

    Ботаклары кала.

    Җир бәхете өчен

    Кеше башын сала.

    Кеше үлә. Ләкин

    Исеме, җыры кала.

    Зөфәр Шәйхетдинов.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: