Шигъри дулкын
КАРШЫЛЫКЛЫ КЕШЕ
Каршылыклы кеше шул мин - Уйлыйм берсен, эшлим башкасын. Гөнаһым да бардыр, яман күздән, Яман сүздән Ходай сакласын.
Тикшерәләр, гайбәт саталар,
Кемнең миндә, белмим, ни эше?
Кешеләргә хаслар миңа да хас,
Мин әүлия түгел, мин - кеше.
"Изге" ул дип, "үрнәк" һәр эштә,
Көчәнмәгез ясап фәрештә.
Бергә яшәп, сезне ташлап, ялгыз
Ничек меним ди мин гарешкә.
Зөфәр Шәйхетдинов.
Следите за самым важным и интересным в Telegram-каналеТатмедиа
Нет комментариев