Саба таңнары
  • Тат Лат
  • Кит, коронавирус!

    Шигъри дулкыннарда

     

    Әллә нәрсә булды быел,

    Дөнья кинәт буталды.

    “Коронавирус” дигән чир

    Бар тынычлыкны алды.

     

    Таяк тыгып туздырылган

    Кырмыска оясы күк:

    Көн тудымы, кирәк

                булды

    Пирчәткә белән битлек.

     

    Мәчедән башка урамда

    Йөрер кеше калмады.

    Ишегалды – тыныч урын

    Балаларга ярады.

     

    Авыз-борын каплап куеп

    Кышны чыктык, йа Алла!

    Шау чәчәктә алма, чия

    Язгы җилдә чайкала.

    Сирень-шомыртларның   исен

    Маска аша тоймадык...

    Җиңү китергән Майны без

    Әнә шулай “зурладык”.

     

    Җәй келәмен куйды җәеп,

    Чәчкә-гөлләрен чигеп...

    “Чикләүләр кими!” дигәнгә

    Кемдер биеде чүгеп.

     

    Канат ярды күңелләрдә

    Ярату, яшәү хисе.

    Ак-карадан гына торса,

    Сүрән бит дөнья төсе.

     

    Кышны, язны, җәйне,      көзне

    Сау-сәламәт үткәрик.

    Таҗлы вирусны, ниһаять,

    Җәһәннәмгә җибәрик!

    Сөмбелә Ибраһимова.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: