Парижда — Дөнья кубогы этабы!
12–17 сентябрьдә Парижда терәк-хәрәкәт аппараты зарарланучылар арасында өстәл теннисы буенча Дөнья кубогы уза. Турнирда дөньяның иң көчле спортчылары ноябрьдә Таиландта узачак Дөнья чемпионатына юллама өчен көрәшә.
«Саба-Арена» спорт мәктәбе тәрбияләнүчесе Галина Гороховатченко ялгыз разрядта көмеш медаль яулады!
Нәтиҗәләр:
- Төркем этабы: Норвегия спортчысын 3:0 исәбе белән җиңде
- Ярымфинал: Паралимпия уеннарының көмеш призерын (Төркия) 3:2 исәбе белән отты
- Финал: Нидерланд вәкиленә 0:3 исәбе белән оттырып, 2 нче урынны алды
14 сентябрьдә парлы разрядларда ярышлар башланды. Галинага алга таба да уңышлар телибез!
Авыл спортчыларының мондый ярышларда актив катнашуы "Россия спорты" дәүләт программасының уңышлы тормышка ашырылуын чагылдыра, аның төп бурычларыннан берсе-төрле яшьтәге гражданнарны даими рәвештә физик культура белән шөгыльләнүгә җәлеп итү һәм хәтта илнең иң ерак почмакларында да һәркем өчен мөмкин булган спорт инфраструктурасын булдыру.
Нет комментариев