Франция җыелма командасы футбол буенча дөнья чемпионатында беренче урынны алды

Франция җыелмасы тарихта икенче мәртәбә футбол буенча дөнья чемпионы булды. Бүген Хорватия җыелмасы белән уздырган матч 4:2 исәбе белән тәмамланды. 

Исәп матчның 18нче минутында хорват форварды Марио Манджукич автоголы белән ачылды, 28 минутта аның партнеры Иван Перишич җавап тубы кертте. Французлар алга 38нче минутта чыкты, Антуан Гризманн пенальти кертте.

Тәнәфестән соң Поль Погба (59) һәм Килиан Мбаппе (65) французларның өстенлеген арттырды. 69нчы минутта Манджукич, көндәш капкачы Уго Льорис хатасын көтеп торып, икенче голны кертте. 

Фото: https://pixabay.com | Clker-Free-Vector-Images

https://tatar-inform.tatar