Саба муниципаль районының пляж волейболы буенча Чемпионатының район этабы тәмамланды

12 августта Байлар Сабасында 2025 елгы сезон ир-атлар һәм хатын-кызлар командалары арасында пляж волейболы буенча Саба муниципаль районы чемпионаты уеннары тәмамланды.

Бүләкләүдә Саба муниципаль районы Башкарма комитетының инфраструктура үсеше бүлеге җитәкчесе Эльмир Рамазанов  һәм Шәмәрдән авыл җирлеге башлыгы Альберт Вәлиев катнашты.

Уеннар нәтиҗәләре буенча ир-атлар командалары арасында урыннар түбәндәгечә бүленде:
1 урын-Симет 
2 урын-Шәмәрдән
3 урын-Юлбат

Хатын-кызлар командалары арасында нәтиҗәләр:

1 урын - Яшьләр 
2 урын — Компот
3 урын - Икшермә

«Җиңүчеләрне чын күңелдән котлыйбыз, барлык катнашучыларга рәхмәт белдерәбез һәм киләсе сезонда уңышлар телибез!», -диелә котлауда.