Волейбол буенча Саба муниципаль районы чемпионатының зона уеннары тәмамланды

 19 март көнне, районыбыздагы хезмәт коллективларының ир- ат командалары арасында, волейбол буенча  Саба муниципаль районы чемпионатының зона уеннары тәмамланды. Шәмәрдән зонасында иң көчлеләре булып түбәндәге командалар танылды. 3 нче урында Шәмәрдәннең Россия тимер юллары, 2 нче урында Шәмәрдән магистраль газүткәргечләр линия-җитештерү идарәсе, 1 нче урында "Яшьлек" яшьләр үзәге егетләре.  Шулай ук Шәмәрдәннең яшь "Молодежка" командасына кызыксындыру бүләге бирелде.  Иң яхшы уенчылар булып, Закиров Данис, Мөхәммәтшин Алмаз, Андреев Владислав, Зиннуров Әмир танылдылар.  Шәмәрдән авыл җирлеге башлыгы Альберт Закиров, "Яшьлек" яшьләр үзәге директоры Делюс Закиров җиңүче командаларны котлап, диплом һәм акчалата бүләкләр тапшырдылар.