Татарстан Россиянең юлларда аварияләр саны арткан төбәкләре рәтенә керде

   Полиция Генерал-майоры Олег Понарьин «Известия» МИЦ дагы матбугат конференциясендә аварияләр белән бәйле вәзгыять иң зур борчу тудырган төбәкләрне атады. Исемлеккә якынча 40 субъект эләкте, алар арасында Татарстан да бар. Республикадан тыш, исемлектә Башкортстан, Удмуртия, Марий Эл, Ленинград, Мәскәү, Түбән Новгород өлкәләре, Санкт-Петербург һәм башка бик күп өлкәләр бар.

  Понарьин сүзләренчә, ел саен 35 регион хәрәкәт куркынычсызлыгы буенча планлы күрсәткечләргә ирешә алмый, «кызыл зона»га эләгә. Шул ук вакытта тулаем ил буенча федераль ориентирлар үтәлә. Иң яхшы нәтиҗәләрне Мәскәү өлкәсе, Пермь крае һәм Ханты-Манси автоном округы күрсәтә-анда юлларда үлүчеләр саны тотрыклы кими. Хәзер «Тормыш өчен инфраструктура» программасы кысаларында эш бара, һәм ел уртасына картина үзгәрергә мөмкин.

   Элегрәк без Татарстанда мотоцикллы юл-транспорт һәлакәтендә һәлак булучылар саны артуы теркәлгән дип язган идек. Узган ел белән чагыштырганда инде үлүчеләр өчкә күбрәк.

Чыганак: «Вечерняя Казань» 

Фото: Ясалма фәһем