Үткәннәргә кайтып...

Бөек Ватан сугышы чорында  халык туган илгә мә­хәббәт турында тагын да кай­наррак итеп җырлый башлады. Хәзерге җырларда без­нең сугышчыларның ба­тырлыгы турында дан, без­нең җиңүебезгә ышаныч, дош­манга көчле нәфрәт яңгырый. Зурлар да шуны җырлый, балалар да. “Интернационал” кол­хозы члены Мәликә әби үзе берничә җыр чыгарган. Менә ул җырлар:

Биек тауга менгән чакта

Атым таймакчы була.

Яшен суксын бу Гитлерны

Безне алмакчы була.

Без дошманга туп атабыз

Крепостен ватабыз.

Йөзе кара фашистларның

Башларын югалтабыз.

Мәликә әби шагыйрь дә тү­гел. Ул шигырь, җыр техникасы турында бер нәрсә дә белми. Бу җырлар дошманга тирән нәфрәт нигезендә туганнар. Шушы ук колхозның башлангыч мәктәбендә уку­чы Әхмәдулла Хәбиев һәм Сөнгать Сәмигуллин иптәш­ләр дә җыр чыгарганнар. Аларның бу җырлары хәзер барлык укучылар арасына таралган. Бу җырлар белән дә укучыларны таныштырып үтик.

Пар атлар җиктек чанага

Утыртып терәкләрен,

Безнекеләр фашистларга

Бирәләр кирәкләрен.

Гитлер-шакшы, канлы кул

Туздырырбыз ояңны,

Шундый итеп туздырырбыз,-

Онытырсың дөньяңны.

Карлар явып китте инде,

Җирләрне ап-ак итте инде,

Гитлер фашистларының да

Үләр көне җитте инде.

 Моңа охшашлы җырларны һәрбер авылда кичәләрдә, кон­цертларда, өйләрдә җыр­лыйлар. Аларның җырларга, иң яхшыларын сайлап матбугатка чыгарырга кирәк.

“Әдәби бүлек” сәхифәсе.