Солы кесәле
Солы кесәле - сәламәтлек өчен бик файдалы ризык. Тик нигәдер соңгы вакытларда бераз онытыла төште. Ул кандагы холестеринны, шикәрне киметә, ашказаны-эчәк авыруларын дәвалый. Организмны витаминнарга, минералларга баета. Составында цинк, бакыр, фосфор, тимер, калий, магний, йод бар.
Кирәк:
* 2 стакан солы лавачы (геркулес ярмасы);
* ярты чәй кашыгы коры чүпрә;
* 1 аш кашыгы шикәр комы;
* 2 аш кашыгы үсемлек мае;
* тәменчә тоз.
Эш барышы:
Солы лавачын 5-6 стакан суга салып, чүпрә белән 1 аш кашыгы шикәр комын өстибез. Савытның өстен каплап, 8-10 сәгать бүлмә температурасында тотабыз.
Әйбәтләп болгатып, иләк яисә тишекле чүмеч аша сөзәбез. Иләктә калган түбен ташлыйбыз, ә сыгынты-га 2 аш кашыгы май һәм тәменчә тоз салып, утка куябыз. Болгаткалап торырга да онытмыйбыз. Кесәл кайнап чыккач, 10 минут чамасы пешерәбез. Әзер кесәлнең өсте җыерчыкланып, уртасы чокырлана башлый. Уттан алып, суынырга кал-дырабыз. Ул куе, кашык белән китеп алып ашый торган булып җитешә. Табынга сөт белән бирелә. Янына бал, җиләк кайнатмасы куярга була.
Тулырак: https://almet-rt.ru/news/%D3%99lm%D3%99t-ta%D2%A3naryi-kuhnyasyi/tansyikka-solyi-kesle
Следите за самым важным и интересным в Telegram-каналеТатмедиа
Нет комментариев