КФУ профессоры июль аенда Татарстанда һава торышының нинди булачагы турында сөйләгән

Татарстанда июнь ахырына кадәр антициклон хөкем сөрү сәбәпле, салкынча булды. Июль аенда да эссе көннәр булмаячак, дигән КФУ метеорология кафедрасы мөдире Юрий Переведенцев
“Озак срокка исәпләнгән фараз буенча, шулай ук Гидрометеоүзәк мәгълүматларына караганда, июль аенда да эсселек көтелми. Һава температурасы +20…+21 градус чикләрендә тирбәләчәк, яңгырлы булачак”, – дигән Переведенцев. Шул ук вакытта, аның әйтүенчә, июльдә һава температурасы нормадан тайпылмаячак. Шуңа күрә бу айның суык булачагы турында сүз бармый.