Үлемсез полк маршы

Тәслимә Низами шигыре һәм  көе

Аяусыз сугышлар барган

Хаклык  һәм ирек өчен.

Туган ил өчен биргән ант

Юк иткән дошман көчен.

Кушымта:

Яу кырында җиңеп кайткан

Ил батырларына – дан!

Зур хөрмәт, ялкынлы сәлам—

Ирекле илдә яшәүче

Бәхетле  оныклардан!(Уллардан, оныклардан!)

Бар дөньяны иңләп – буйлап

Үлемсез полк килә.

Буыннардан буыннарга

Чын батырлык бирелә.

Кушымта: шул ук.

Ветераннар рәсемнәре –

Ышанычлы кулларда.

Уллары, кызлары белән

Атлыйлар парадларда.

Кушымта:  шул ук.

Һәйкәлләрдә мәңгелек ут

Янып торсын, сүнмәсен.

Үткәннәргә якты эзләр

Беркайчан өзелмәсен!

Кушымта: шул ук.