Тимершыкта зур ифтар узды

Бүгенге ифтар җыелышып, очрашып, хәл-әхвәлләр белешеп, аралашу өчен дә бер чара булды. Авылыбызның хәзерге мәчете ачылганга 30 ел булган көннәрдә уздырылган ифтарга барлык авылдашлар чакырулы иде. 

Чыннан да, ифтарга барып, авыз ачып кына калмыйсың, ишеткән вәгазьләрдән, киңәш-табышлардан нинди дә булса файда аласың.

Рамазан ае барышында шушындый изге, саваплы эшләргә алынып, ул гамәлләрне мәгънә һәм итагатьлек белән башкарып чыгучыларга, табын әзерләүчеләргә Аллаһының рәхмәтләре булсын!

дип яза «Тимершык көндәлеге»