Эфиопиядә 157 кеше утырган "Боинг-737" лайнеры һәлакәткә очраган

Бүген, 10 мартта, Эфиопиядә Ethiopian Airlines авиакомпаниясенең "Боинг-737" самолеты һәлакәткә очраган. Лайнер Адис-Абеба шәһәреннән Кения башкаласын Найроби шәһәренә даими рейс башкара торган була. Бу турыда "Вести" каналы хәбәр итте.

Самолетта 149 пассажир һәм сигез экипаж әгъзасы була. Фаҗига Эфиопиянең Дэбрэ-Зэйт шәһәре тирәсендә була. Самолет белән элемтә 08.44 сәгатьтә югала.

Эфиопия премьер-министры Абий Ахмед Али канцеляриясе хакимият һәм Эфиопия халкы исеменнән мөрәҗәгать чыгара. Алар һәлак булучыларның гаиләләренең кайгысын уртаклаша.

Самолетта Россия кешеләре булу турында мәгълүмат юк. Бу турыда РИА Новости агентлыгы Кения Россия илчелегенә сылтама белән хәбәр итә.  

Фото: https://pixabay.com | Gellinger

https://tatar-inform.tatar