Нурлат кешесе, интернет аша трактор алырга теләп, акчасыз калган

Нурлат кешесе интернет аркылы трактор алырга теләп, акчасыз калган. Бу хакта Татарстан буенча Эчке эшләр министрлыгы матбугат хезмәте хәбәр итә.

21 сентябрь көнне Нурлат шәһәре полициясенә 42 яшьлек ир-ат мөрәҗәгать иткән. Ул интернетта танылган, бушлай белдерүләр сайты аша трактор сатып алырга теләвен сөйләгән. Үзенә туры килгән вариантны тапкан һәм сатучы белән элемтәгә чыккан. Килешүнең барлык шартларын сөйләшеп, ул трактор хуҗасының исәп-хисап счетына 220000 мең сум акча күчергән. Акчаны алу белән сатучы элемтәгә чыгудан туктаган.

Полиция хезмәткәрләре Татарстан кешесе шалтыраткан абонент номерын ачыклаган. Ул Санкт-Петербургта теркәлгән. “Мошенник”лык маддәсе буенча җинаять эше ачылган.

https://tatar-inform.tatar