СУ ХИСАПЛАГЫЧЛАРЫ КУЕП КАЛЫГЫЗ

Россия Федерациясенең "Энергия саклау һәм энергетика нәтиҗәлелеген күтәрү һәм Россия Федерациясенең аерым закон актларына үзгәрешләр кертү турында"гы Федераль законның 13нче маддәсе 5нче-6нче пунктлары нигезендә торак йорт милекчеләре, күпфатирлы йортлардагы бина милекчеләре үзләре куллана торган су, табигый газ, җылылык энергиясен хисаплау приборлары белән тәэмин итәргә тиешләр. Шуңа да карамастан, күп кенә шәхси хуҗалыкларда хәзерге көнгә кадәр су хисаплагыч приборлары куелмаган килеш. Саба күптармаклы җитештерү предприятиесе администрациясе 2013 елның 1 гыйнварына гражданнарның хисаплагычларны урнаштырып бетерүләрен сорый. Закон таләпләре үтәлмәгән очракта шәхси хуҗалыкларга су бирү туктатылачак. Су кулланучыларга октябрь аенда киләчәк исәп-хисап кәгазьләрендә дә бу хакта искәртү булачак.