Ветеринария законы үтәлмәгән

"Ветеринария турында"гы Закон нигезендә терлекчелек продуктлары халык сәламәтлеге өчен билгеләнгән иминлек таләпләренә җавап бирергә һәм маллар йогышлы авырулары булмаган территориядән китерелгән булырга тиеш. Сөтнең пломбаланган изотермик автомобиль савытларына тутырылып китерелүе шарт. "Экопродукт" җәмгыяте, әлеге таләпләрне үтәмичә, "Мөхәммәтшин" крестьян-фермер хуҗалыгында җитештерелгән сөтне пломбаланмаган савытларда ташыган. Прокуратура тикшерү нәтиҗәләре буенча "Экопродукт" җәмгыяте җитәкчесе урынбасарына карата административ хокук бозу турында эш кузгатып, материалларны, тиешле чара күрү өчен федераль ветеринар күзәтчелек хезмәтенең респуб­лика идарәсенә юллады.