ЮХИДИ хезмәткәрләре көне

Бүгенге тормышны ЮХИДИ хезмәтеннән башка күз алдына да китереп булмый. Ел саен юлларда транспорт саны арта. Сезнең авыр хезмәтегез киеренке ритмда уза һәм бик күп җаваплы вазифаларны үз эченә ала. Елның теләсә кайсы фасылында тәүлек әйләнәсендә юл­-патруль хезмәте инспекторлары юлларда тәртип саклап, юл һәлакәтләрен киметүгә, транспорт йөрешен көйләүгә үзегездән зур өлеш кертәсез. Киләчәктә дә әлеге бурычны зур җаваплылык тоеп башкарачагыгызга ышанабыз. Җаваплы хезмәтегездә уңышлар, нык сәламәтлек, бәхет, иминлек телибез.