Алинә Шәрипҗанова кызына нинди исем кушкан

- 1 апрель көнне икенче тапкыр әни булдым. Бу шатлыклы хәбәрне җиткергәч, күпләр ышанмый торды. Янәсе, «апрель шайтаны». Икенче көнне генә шул тема дәвам иткәч, «уяндылар». Мәхәббәт җимешебезгә Альмира дип исем куштык. Улыбызга 30 июнь көнне ике яшь тулачак. Беренче баланы да, икенчесен дә бик тиз һәм авыртуларсыз таптым. Кызымны бигрәк тә тиз тудырдым. «Срок»ны март ахырына куйганнар иде. Мартта табармын дип көттем. Зәмирә Гәрәева инде декабрьдә үк «Тамада-шоу»да катнашырга чакырган иде. Бик теләп риза булдым. 14 апрель көнне, ике атналык баламны калдырып, тамашачы алдында чыгыш ясадым.