Ашыккан -ашка пешкән

  Халыкара ашыкмау (әкренәю) көнен ита­льяннар тәкъдим иткән. Нәкъ менә алар 2007 елда беренче булып әлеге датаны билгеләп үтә. Әлеге бәйрәм бүгенге җәмгыятькә кирәк. Аның ши­гаре дә: “Ашыкма һәм мизгел белән ләззәтлән”.

 Бәйрәмне тәкъдим иткән “Әкрен яшәү сәнгате” ассоциациясе ашы­гудан баш тартуның 14 бурычын да эшләгән: йокыдан иртәрәк тору; бөкедә торганда нервланмау, ә ярат­кан җырыңны тыңлап яки китап укып ләззәтләнү һ.б.

  Бәйрәм уңаеннан төрле кызы­клы чаралар да оештырыла. Римда, мәсәлән, әкренәю марафоны үтә. Ма­рафонда 300 метр дистанцияне 87 минуттан да азрак вакытка үтәргә ярамый. Миланда бу көнне ашыгу­чыларга символик штрафлар сала­лар. Италиянең күп регионнарын­да “хроник төстә вакыт җитмәгән” эшләрне башкаралар: әдәби укуларга, концертка баралар, яраткан шөгыльгә өстенлек бирәләр яки интеллектуаль әңгәмә алып баралар.

Безнең халыкта ашыккан ашка пешкән дигән мәкаль бар. Тормышның һәр мизгеленнән тәм табып, ашыкмый, кабаланмый яшик, дуслар.