Беренче курс студентларына – 5 миллион сумлык грант

Татарстан мәгълүматлаштыру һәм элемтә министры Роман Шәйхетдинов КФУның Мәгълүмати технологияләр һәм мәгълүмати системалар югары мәктәбе беренче курс студентларына гомуми күләме 5 миллион сум тәшкил иткән 50 грант тапшырды.

Үзләренең булачак һөнәре итеп мәгълүмати технологияләрне сайлаган, бердәм дәүләт имтиханыннан иң югары балл туплаган абитуриентлар Татарстан Президентыннан грантларны инде бишенче ел рәттән ала. Бу юлы Казан IT-паркында Аркаша кушаматлы робот та министр белән бергә грантлар өләште. Ул егет-кызларга тәбрикләү сүзләрен татар телендә дә җиткерде.

Интертат.ру