Бүген Бөтенроссия армиягә чакырылучылар көне билгеләп үтелә
Рәсми тел белән әйткәндә, армиягә чакырылучы дип, 18-30 яшь аралыгындагы закон буенча хәрби хезмәткә яраклы ир-ат җенесеннән булган зат атала.
Россиядә хәрби хезмәткә чакырылучылар көнен көзге чакырылышның иң кызган вакытында үткәрәләр. Рәсми документларда бәйрәм Бөтенроссия хәрби хезмәткә чакырылучылар көне дип атала. Аны булдыру турындагы указга 1992 елда президент Борис Ельцин кул куйган. Документ тантананың мәгънәсе күрсәтелгән: хәрби хезмәтнең абруен һәм әһәмиятен күтәрү һәм яшьләргә хәрби-патриотик тәрбия бирү дәрәҗәсен күтәрү. 2025 елда хәрби хезмәткә чакырылучылар өчен Россия армиясендә хезмәт итү срогы бер ел тәшкил итә. Шундук контракт буенча хезмәт итәргә дә була: ул вакытта хезмәт хакы түләнәчәк, әмма хәрби хезмәткә чакырылучының теләге буенча хезмәт срогы ике яки хәтта өч елга кадәр арта. Россиядә альтернатив хезмәтне яки хәрби кафедра дип аталган югары уку йортын сайларга мөмкин. Хәрби факультетта уку вакыты 1,5 дән 2,5 елга кадәр.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев