Бюджет өлкәсендә эшләүчеләрнең хезмәт хаклары, студентларның стипендияләре артачак

РФ Президентының «май Указлары» нигезендә, бюджет өлкәсендә эшләүче аерым категория хезмәткәрләрнең хезмәт хакы 2015 елның 1 октябреннән 5 процентка, 2016 нчы елның 1 октябреннән 4,5 процентка, 2017 нче елның 1 октябреннән исә 4,3 процентка артырга тиеш.

Студентларның стипендия күләме артуы да көтелә. Киләсе елның 1 сентябреннән стипендияләр 5 процентка артырга тиеш. 2015 нче елда булган икътисади фаразлар нигезендә, хезмәт хакы фонды 507 мең 727 миллион сумны тәшкил итәчәк. Сәламәтлек саклау өлкәсенә 23,7 миллион сум, социаль сәясәт өлкәсенә 23,6 миллион сум, опекуннар һәм уллыкка бала алган әти-әниләргә 1 миллион сумнан артыграк, физик тәрбия һәм спорт өлкәсенә 571,4 миллион сум бүлеп бирелер дип көтелә.

Татар-Информ.