Cыйфатлы продукция җитештерүгә йөз тоткан райондашларыбыз республика җитәкчелеге кулыннан бүләкләр алды

Балтачта хуҗалык итүнең кече формаларын үстерү һәм авылның эшчәнлек активлыгын күтәрү максатында алып барылган эшкә йомгак ясауга багышланган зона семинарында ярдәмче хуҗалык белән җиң сызганып шөгыльләнгән, күпләп сыйфатлы продукция җитештерүгә йөз тоткан райондашларыбыз республика җитәкчелеге кулыннан бүләкләр алды. Олы Ныртыдан Рифат Зыятдинов - "Иң яхшы гаилә фермасы", Югары Симет авылыннан Радик Гарипов - "Иң яхшы шәхси ярдәмче хуҗалык", Арташ авыл җирлеге "Ярдәмче хуҗалыкларда терлек санын арттыруны тәэмин итү" номинацияләрендә җиӊүче дип табылдылар һәм 50 мең сум күләмендә акчалата бүләккә лаек булдылар.