Диния нәзарәте таныш булмаган затларга акча күчерүдән сакланырга чакыра

 Шикле акцияләрне оештыручылар кешеләрнең ихлас хисләреннән оста файдалана. Шул рәвешле, тикшерелмәгән акцияләрдә катнашу изге ниятле кешегә проблемалар китереп чыгарырга да мөмкин, дип хәбәр итә ТР Диния нәзарәте матбугат хезмәте.

Сак булыгыз һәм РФ Юстиция министрлыгында теркәлгән оешма һәм фондларның гына хәйрия акцияләрендә катнашыгыз. Интернет киңлегендә җыемнар турындагы мәгълүматны җентекләп тикшерегез һәм фондларның рәсми сайтларында бастырылганына гына ышаныгыз. Мисал өчен, ТР мөселманнары Диния нәзарәтенең «Зәкят» хәйрия фонды мохтаҗларга Татарстанның бөтен территориясендә һәм аннан читтә акча җыю буенча акцияләр оештыра, диелә хәбәрдә.

Тулырак: https://tatar-inform.tatar/news/diniya-nazarate-tanys-bulmagan-zatlarga-akca-kucerudan-saklanyrga-cakyra-5903381