Догхантерлар йорт хайваннарын яндыра

Сукбай эт-мәчеләр генә түгел, инде хуҗалары булганнары да догхантерларның кешелексезлегеннән зыян күрә башлаган.

Бу араларда Казанда эт-мәчеләргә бензин сибеп ут төртү очраклары күзәтелә икән. Чарли кушаматлы эт ут төрткәннән соң исән калган һәм көч-хәл белән хуҗасы йортына кайтып җитә алган. Аңа тиз арада ашыгыч ярдәм күрсәткәннәр. Шулай да аның аркасындагы янган эзләр догхантерларның коточкыч әшәкелекләре турында мәңге искәртеп торачак. Казанга якын бер бистәдә яшәүчеләр дә инде унлап песинең югалуы турында әйтәләр.

Әлмәт таңнары