Ел тәрбиячеләре Балтачка бара

Районда "Ел тәрбиячесе-2015" конкурсының муниципаль туры төгәлләнде. Педагогик осталык бәйгесендә барысы 28 тәрбияче катнашты, финалда шуларның җидесе көч сынашты. Жюри иҗади презентацияләрне һәм балалар белән үткәрелгән педагогик чараларны караганнан соң беренче урынны Сабаның "Бәләкәч" балалар бакчасы тәрбиячесе Ләйсән Заһидуллинага бирде. Икенче урынны Шәмәрдәннең "Салават күпере" балалар бакчасы тәрбиячесе Алия Мәхмүтова алды. Өченче урын Лилия Вафинага ("Шатлык" балалар бакчасы) бирелде. Беренче- икенче урын алучылар Балтачта үтәчәк зона бәйгесендә катнашачаклар.