Эшләмәүче пенсионерларның пенсияләрен 7,5 процентка арттыру турында закон кабул ителде

Фото: © «Татар-информ», Солтан Исхаков

2024 елның 1 гыйнварыннан Россиядә картлык буенча иминият пенсияләре 7,5 процентка индексацияләнә. Бу закон бүген Дәүләт Думасы тарафыннан кабул ителде. Парламентның түбән палатасы Телеграм-каналында шул хакта хәбәр ителә.

Дәүләт Думасы рәисе Вячеслав Володин искәрткәнчә, бу эш Россия Президенты Владимир Путин кушуы буенча башкарыла. Россиядә яшәүче 32 миллионнан артык кешенең пенсиясе артачак, дип яза «Татар-информ».

Киләсе елга бюджет проектында түләүләрне арттыру каралган, дип өстәде ул.

Тулырак: https://tatar-inform.tatar/news/eslamauce-pensionerlarnyn-pensiyalaren-75-procentka-arttyru-turynda-zakon-kabul-itelde-5879066