Гаепләнүчегә 30 мең сум штраф һәм...

  Быелның 27 июлендә 14 сәгать 20 минутта дәүләт автоинспекциясе хезмәткәрләре Сатыш – Саба юлының 12нче  километрында  чит ил автомобилен  туктаталар. Аның  белән  идарә  иткән Кәримовның руль артына исерек хәлдә утыруы ачыклана. Ул ирекле рәвештә “Юпитер” алкотекторы ярдәмендә тикшерү уза. Прибор аның сулышында 1,11 мг/л концентрациясендә этил спирты барлыгын күрсәтә. Йөртүчегә карата административ  хокук бозуы турында беркетмә төзелә һәм  материаллар судка җибәрелә. Җәмәгать  судьясы  каравында  үткәрелгән  утырышта  ул  беркетмә белән  ки­­лешүен, үзенең гаебен тануын  белдерде.  Элек тә КоАПның 12нче  бүлеге буенча  җаваплылыкка тартылуын  яшермәде.  Әлеге эш буенча җыелган дәлилләр гамәлдәге законнарны  саклап алынган һәм гадел суд карары  чыгару  өчен әһәмияткә ия булып санала.

Кәримов КоАПның 12.8нче стать­ясының 1нче өлеше нигезендә  гаепле дип табылды. Аңа карата  30 мең сум штраф түләтү һәм ел ярымга транспорт чарасы белән идарә итүне тыю турындагы карар чыгарылды.