Иң яхшы гаиләләр очрашуына Югары Симет авылында яшәүче гаилә барачак

Татарстан Республикасы көне алдыннан Татарстан лидеры һәм аның хатыны исеменнән иң яхшы гаиләләрне хөрмәтләүгә багышланган тантана­лы чара уздыру планлаштырыла. Әле­ге очрашуга Саба муниципаль райо­нын­нан Югары Симет авылында яшәү­че Миләүшә һәм Расим Шакировлар гаиләсе барачак. Гаилә башлыгы 39 ел ферма мөдире булып эшли, тормыш иптәше 40 ел сыерлар сава. Биш бала - 4 ул һәм бер кыз тәрбияләп үстергәннәр. Инде икесенең үз тормышлары. Шакировлар шушы көннәрдә тагын бер улларын ипотекага салынган йортка башка чыгару мәшәкатьләре белән яши. Бер улы - мәктәптә, икенчесе вузда белем ала.