Казанда 20 яшьлек малай әтисен үтергән [+фото]

Бәхәснең юньлегә илтмәвен һәрберебез яхшы белә. Күпчелек очракта ул аянычлы вакыйгалар белән тәмамлана. Кинәттән чыккан бәхәс вакытында бер ир-ат әтисенең башына пычак белән суга һәм бугазын кисә.

Казанның Чистопольская урамындагы йортларның берсендә узган җомга көнне була бу бәхетсезлек. Әтисенең гәүдәсен олы улы күреп ала. Бу вакытта аның энесе күл булып җәелгән канны сөртеп маташкан була. Туганнары әйтүенчә, 48 яшьлек ир-ат еш эчкәләгән. Хәтта кул күтәрүләр һәм үтерү белән янауларга кадәр барып җиткән. Беркөнне ул пычак кайраган һәм хатыны белән улларын үтерергә теләвен әйткән. Улы нәкъ шуннан курыккан һәм җинаятькә шул сәбәпле баруын сөйләгән. Аңа карата хәзер җинаять эше кузгатылган.

Әлмәт таңнары