Казанда бер мотоциклчы берьюлы өч машина белән бәрелешкән [+фото]

автор, 24 июль 2016 - 13:51

590

Юл-транспорт һәлакәте Воровский урамында күпер тирәсендә килеп чыккан. Казан мотоберләшмәсенең "ВКонтакте" социаль челтәрендәге сәхифәсендә хәбәр ителгәнчә, һәлакәткә очраган мотоцикл теркәлмәгән дә, дәүләт номерлары да юк. Мотоциклчыны ашыгыч ярдәм машинасы белән шәһәрнең 7нче хастаханәсенә алып киткәннәр.

Казанда бер мотоциклчы берьюлы өч машина белән бәрелешкән [+фото]

"Аның умыртка баганасы сынган булырга тиеш, башы ярылган, хәле бик авыр". Мотоберләшмәдә зыян күрүченең хәлен әнә шулай тасвирлыйлар. Шунда ук һәлакәт булган урыннан фотолар да урнаштырылган. Аларга карап, авариягә "Нива", Ford һәм Matiz машиналары юлыкканлыгын чамаларга була.