Лотереяга миллионнар откан

Казан шәһәрендә яшәүче Альбина Т. "Гослото 5 из 36" лотереясында 11 миллион сумнан артык акча отуга ирешкән. Бу хакта http://prokazan.ru сайтына PR хезмәте җитәкчесе Юлия Гавришова хәбәр иткән. Отышның төгәл суммасы- 11 097 765 сум. Кызның әйтүенә караганда, лотерея билетын ул гомерендә беренче тапкыр сатып алган һәм шундый зур отышка тап булган. Альбина -икътисад буенча консультант. Акчаны нәрсәгә сарыф итәчәген әйтергә теләмәгән.Әле һаман да шундый зур отышка ия булуына ышанып бетә алмый ди.