Бала баш мие үсешенең физиологик үзенчәлекләре аркасында килеп чыккан хәлне алдан фаразлый алмый.
Балалар катнашындагы бәхетсезлек очракларының сәбәбе - белемсез ата-аналар. Алар еш кына балалар психикасының ничек үсүен белми. Бу хакта Татарстан Балалар Республика клиник хастаханәсенең психологик хезмәте мөдире Лилия Горохова сөйләде.
«Ата-аналарның бала барысын да аңлый дигән тәэсир кала. Бу иллюзия ата-ананың баланы кечкенә олы кеше буларак кабул итүе белән бәйле. Әмма баланың баш миенең яртысы — аңа ярдәм итәргә мөмкин булган өлешләре формалашмаган әле», - диде балалар психологы.
Ул шулай ук ассызыклап үткәнчә, баланың төп ихтыяҗы киңлекне танып белүдән гыйбарәт. Шуңа күрә, бәхетсезлек очракларына юл куймас өчен, ата-аналар аның гамәлләрен контрольдә тотарга тиеш. Лилия Горохова сүзләренә караганда, баш миенең тулы формалашуы 21 елга кадәр бара - нәкъ менә шул яшьтә кеше үз гамәлләре өчен җаваплылыкны тулысынча аңлый.
«Дөньяны танып белүдә, балага ярдәм итәргә кирәк: аңа уңай гына түгел, тискәре якларны да күрсәтергә кирәк», - дип йомгаклады Балалар республика клиник хастаханәсенең психологик хезмәте мөдире.
Фото: Султан Исхаков
Нет комментариев