Россиядә җәйге каникуллар 26 майда башлана һәм 31 августка кадәр дәвам итәчәк

  Россиядә җәйге каникуллар 26 майда башлана һәм 31 августка кадәр дәвам итәчәк. Бу хакта Мәгариф министрлыгына сылтама белән РИА Новости хәбәр итә.

Ведомствода билгеләп үтелгәнчә, федераль график нигезендә «1-8 һәм 10 сыйныф укучылары өчен җәйге каникуллар озынлыгы – 8 атнадан да ким түгел».

9 нчы сыйныф укучыларының каникуллары дәүләт йомгаклау аттестациясе расписаниесенә бәйле.

Мәктәпләр федераль графикны үзгәрешсез кулланырга яки төбәк үзенчәлекләрен исәпкә алып үзләренчә эшләргә мөмкин. Кайбер очракларда белем бирү процессында катнашучыларның фикере исәпкә алына, дип билгеләделәр Мәгариф министрлыгында.

Яңа уку елы 1 сентябрьдә башлана.

Кызыклы яңалыкларны күзәтеп бару өчен Телеграм-каналга язылыгыз

Тулырак: https://tatar-inform.tatar/news/rossiyada-aige-kanikullar-26-maida-baslana-ham-31-avgustka-kadar-davam-itacak-5904582

Фото https://ru.freepik.com/