Сабага суыклар килә

Якын көннәрдә Татарстанга суыклар килә дип хәбәр итә синоптиклар.7 гыйнвар көнне һава температурасы төнлә 22-27 градуска кадәр төшәчәк, урыны белән 32 градус булуы да мөмкин.Ә көндез белән термометр баганасы 20-25 градусны күрсәтәчәк. 8 гыйнвар көнне төнлә 28-33 градус, республиканың көнчыгыш районнарында 37 градус суыклык көтелә.Сабада ул көнне көндез белән -29, төнлә белән -33 градус булачак дип фаразлыйлар синоптиклар. 9 гыйнвар көнне Татарстан биләмәсендә аеруча суык булачак.