Сайлаулар кыйбатка чыгачак

Дәүләт Думасына депутатларны вакытыннан алда сайлаулар 2 млрд сумга төшәчәк. Сайлауларны декабрь аенда түгел, сентябрьдә уздырырга карар кылдылар. Аны сентябрьнең өченче якшәмбесендә үткәрәчәкләр. Вәкаләтләре вакытыннан алда туктатылганы өчен 6нчы чакырылыш депутатлары компенсацияләр алачак. Әлеге закон проектының авторлары - Дәүләт Думасы спикеры Сергей Нарышкин, «Бердәм Русия», ЛДПР һәм «Гадел Русия» партияләре башлыклары. Авторлар әйтүенчә, компенсациянең суммасы барлыгы 713 млн сум булачак. Ләкин КПРФ партиясе әгъзалары, ул 2 млрд сум булачак, ди. Ә сайлау кампаниясе уздыру өчен 16 млрд сум акча китүе ихтимал.

Безнең гәҗит