Соңга калырга тырышмагыз, җәмәгать, бетә...

Хөрмәтле газета укучыларыбыз! Сезгә сөенечле хәбәр җиткерергә ашыгабыз. «ТАТМЕДИА" акционерлык җәмгыяте агымдагы елның 1 декабреннән 11 декабренә кадәр абунәчеләр өчен "Вакытлы матбугатка ташламалы язылу ункөнлеге" игълан итә. Бу көннәрдә "Саба таңнары" газетасына 600 сум түгел, ә 525 сум 72 тиенгә абунә рәсмиләштереп булачак. Күп кенә укучыларыбыз: "Газетага ташламалы вакытта языла алмый калдык", - дип борчылган иде. Менә тагын шундый мөмкинлек тудырыла. "Саба таңнары"на язылучы берьюлы ике куян койрыгы тота. Беренчедән, бары бездә генә район яңалыклары белән таныша аласыз. Өстәвенә газетага кушымта булып "Атна вакыйгалары" урын ала - монысы республика, ил, дөнья яңалыклары. Шуңа күрә иң отышлысы - районыбыз матбугатына язылу. Мөмкинлектән файдаланырга ашыгыгыз, хөрмәтле укучыларыбыз.