Татарстан цифрлар министрлыгында ни өчен БПЛА һөҗүме вакытында хәтта 3Gның да көчкә генә эшләвен аңлаттылар
Татарстанда пилотсыз куркыныч режимы вакытында ни өчен элемтәнең начар эшләвен коллегиядә республиканың цифрлар министрлыгы башлыгы Илья Начвин аңлатты.
Пилотсыз куркыныч режимын керткәндә тизйөрешле интернет 4G вакытлыча сүндерелә. Иске стандартлар - 2G һәм 3G булган каланчалар гына эшләргә кала. Алар, Начвин сүзләренчә, нигездә гади шалтыратулар өчен генә булдырылган.
- Чикләүләр вакытында һәр вышкага тавыш йөкләнеше мизгел эчендә берничә тапкырга, җиде-сигез тапкырга арта. Челтәр физик яктан мондый мәгълүмат агымын үткәреп җибәрә алмый, - дип аңлатты министр.
Проблеманы хәл итү өчен республикада челтәрнең сыйдырышлылыгын арттырачаклар. Быел элемтә операторлары элемтә инфраструктурасының меңнән артык объектына инвестицияләр кертә. Татарстанда 398 яңа база станциясе төзеләчәк һәм 702се яңартылачак.
Элегрәк хәбәр ителгәнчә, Татарстанда хәбәр итү нокталары саны 1600 гә кадәр артачак. Көчле тавышлар уңайсызлык китерә, әмма бу кирәк, дип ышандырдылар цифр министрлыгында.
«Вечерняя Казань»
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев