Татарстанда ел саен үткәрелә торган «Ел студенты» премиясе старт алды, аңа гаризалар 25 октябрьгә кадәр кабул ителә.
Бу хакта Студентлар лигасы президенты Шамил Якупов "Татар-информ«да узган матбугат конференциясендә хәбәр итте.
«Бездә барлыгы 20 номинация: 9 шәхси һәм 11 коллектив номинация», — дип билгеләп үтте Якупов.
Җиңүчеләр кыйммәтле бүләкләр: халыкара стажировкалар, партнерлардан акчалата премияләр, ноутбуклар, уку яки түләүле сәфәрләр алачак.
Якупов шулай ук 2016 елдан республикада урта махсус белем бирү учреждениеләре студентлары өчен аерым премия — «Ел казанышы» гамәлдә булуын искәртте. Моннан тыш, быел тәрбия эше кураторлары өчен «Елның студентлар үзидарәсе остазы» дигән яңа номинация барлыкка килде.
Тулырак: https://tatar-inform. tatar/news/el-studenty-premiyasena-garizalar-25-oktyabrga-kadar-kabul-itela-5930551
Нет комментариев