Татарстанда пневмококк инфекциясе 2,5 тапкыр арткан

Татарстанда пневмококк инфекциясе 2,5 тапкыр арткан. Бу хакта бүген Россия Кулланучылар хокукларын яклау һәм кеше иминлеге өлкәсендә күзәтчелек хезмәте Татарстан буенча идарәсенең коллегия утырышында билгеле булды.

"Татарстанда пневмококк инфекциясе белән авыру ел саен 2,5 тапкыр артып бара. 2019 елда 340 очрак теркәлгән", - диде Марина Патяшина. Аның сүзләренчә, былтыр 2-5 яшьтәге 57 мең 615 балага шушы инфекциядән прививка ясалган. Бу шушы яшьтәге балаларның 96,4 процентын тәшкил итә.

"Шул ук вакытта, инфекция йоктыру куркынычы янаган 173 мең олы яшьтәге кеше прививкасыз кала бирә", - диде Марина Патяшина. 5 меңнән артык кешегә прививка ясалган.

Фото: архив/Салават Камалетдинов

Чыганак: tatar-inform.tatar