Татарстанлыларны һава торышы үзгәрү турында кисәттеләр
Бу атнада Татарстанда һава торышы үзгәрде, температура фоны сизелерлек дәрәҗәдә түбәнәйде. Әмма тиздән төбәктә бераз җылытачак.
. Бу хакта «Татар-информ»га ТР Гидрометеорология үзәгенең метеофаразлар бүлеге башлыгы Ирина Трущина хәбәр итте.
«Моңарчы һава җылыну һәм явым-төшемнәр кытлыгы хас булган антициклональ һава торышы өстенлек итсә, хәзер без циклоннар йогынтысына эләктек. Алдагы берничә көндә төньяк-көнбатыштан чираттагы циклон көтелә», - дип сөйләде ул.
Фронталь бүлекләр үткәндә, республикада соңгы көннәрдә яңгырлар яуды. Алар бөтен төбәктә булды. Әле 9-11 октябрьдә һава температурасы климатик нормадан 2-4 градуска югарырак булса, хәзер температура фоны түбәнәйде. Сизелерлек дәрәҗәдә салкынайтуга карамастан, температура климатик нормага якынлашты.
Синоптик әйтүенчә, якындагы якшәмбедә һәм киләсе атна башында төбәктә температура фоны тагын климатик нормадан ике-өч градуска югарырак булачак.
Кызыклы яңалыкларны күзәтеп бару өчен Телеграм-каналга язылыгыз
Тулырак: https://tatar-inform.tatar/news/tatarstanlylarny-hava-torysy-uzgaru-turynda-kisattelar-5912676
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев