VI республика яшьләр фестиваленнән якташларыбыз зур җиңүләр белән кайтты

1-4 ноябрьдә Казанда VI республика яшьләр фестивале узды. Кече Шыңар мәдәният йортында эшләүче "Илһам"" иҗат төркеме (бертуган Энже, Сөмбел, Алисә Билаловалар) "Нәфис сүз" номинациясендә I дәрәҗә лауреат исеменә лаек булдылар. Ә "Каз канаты" балалар фольклор коллективы III дәрәҗә лауреат исемен алды. Ике коллектив та (җитәкчеләре - мәдәният йорты сәнгать хезмәткәре Әлфия Шәйдуллина) 4 ноябрьдә "Пирамида" күңел ачу комплексында узган гала-концертта чыгыш ясады. Җиңүчеләрне Татарстан Республикасы Дәүләт Советы рәисе урынбасары Римма Ратникова котлады.